Isa sa nagapanguna nga ginatutukan nga isyu sang Indigenous People Mandatory Representative (IPMR) South Cotabato amo ang padayon nga land conflict kag ang pagpauntat sang diskriminasyon batok sa mga Indigenous People.
Sa exclusive interview sang Bombo Radyo Koronadal kay Board Member Arnold Guerrero, Indigenous People Mandatory Representative South Cotabato, iya ginpahayag nga importante nga masolbar ang mga nagauntat nga sigalot sa duta agud maproteheran ang ancestral domain kag legal nga katungod sang mga komunidad.
Ginpabug-atan niya nga ang klaro kag patas nga pag-implementar sang mga layi may kaangtanan sa duta isa ka dako nga tikang agud mapabakod ang seguridad kag kabuhi sang mga Indigenous Peoples.
Gina-ugyunan man sang opisyal ang mas istrikto nga kampanya kontra diskriminasyon, kag ginpahayag nga dapat wala sang sektor nga ginapabura.
Ginatawag niya ang atensyon sang mga ahensya sang gobyerno kag lokal nga yunit nga magtinabangay sa pagresolbar sang mga reklamo kag isyu nga nagaapekto sa mga lumad.
Dugang pa niya, kinahanglan ang padayon nga dayalogo tunga sang mga Indigenous communities, pribado nga sektor, kag gobyerno agud malikawan ang eskalasyon sang mga land disputes kag mapalapad ang paghangop sa kultura kag tradisyon sang mga Indigenous Peoples.
