Direkta nga nagpanawagan si Tedros Adhanom Ghebreyesus, Director-General sang World Health Organization (WHO), sa mga residente sang Tenerife nga magpabilin nga kalmado may kaangtanan sa pag-abot sang cruise ship nga MV Hondius nga may kaso sang hantavirus.
Sa iya mensahe, ginpahayag ni Tedros nga indi dapat ikumparar ang sitwasyon sa COVID-19 pandemic kag sa hantavirus bangud mababa pa gihapon ang peligro sini sa publiko.
Gin-ako niya nga seryoso ang Andes strain sang hantavirus matapos napatay ang tatlo ka pasahero, apang ginpasiguro niya nga wala na sang iban pa nga nagapakita sang sintomas sa karon sa mga sakay sang barko.
Ginpaathag ni Tedros nga hugot ang plano sang Spain sa paglikas sang mga pasahero kun sa diin dal-on sila sa industrial port sang Granadilla kag direkta nga paundayon pabalik sa ila tagsa ka pungsod nga wala nagakahalubilo sa publiko.
