Kasamtangan nga missing ang 250 ka Rohingya kag Bangladeshi, lakip ang mga bata matapos magludgang ang ila barko sang nagligad nga semana sa Andaman Sea, suno sa UN refugee kag migration Naghalin ang trawler sa Bangladesh kag padulong kuntani sa Malaysia, apang nagludgang ini bangud sa mabaskog nga hangin, dako nga balaod, kag sobra nga kadamo sang pasahero.
Sang Abril 9, may siyam ka tawo nga nasalbar matapos makita nga naga-uyat sa drum kag kahoy nga debris sa tunga sang dagat.
Suno sa mga survivor, nagbiyahe sila Abril 4 pa lang kag natabuan sang bagyo sang Abril 7 ukon 8, kag nagpalutaw-lutaw sa dagat sa sulod sang halos duha ka adlaw antes masalbar.
Gindugang pa sang mga nakaluwas nga posible 100 ka indibidwal ang ila kaupod, apang kadamuon sang missing kag eksakto nga detalye sang insidente wala pa makumpirmar.
Madumduman nga una na nga ginpahayag sang UN nga padayon ang krisis sa Myanmar kag mabudlay nga kahimtangan sa refugee camps sa Bangladesh nga nagapilit sa mga Rohingya nga maglakat sa delikado nga pagtabok dagat padul-ong Malaysia agud magsimpalad.
