Nagbuhin ang presyo sang Brent crude oil halin sa $113 pakadto $97.47 kada barrel, antes nagbalik sa $104, matapos ginpahayag ni Donald Trump nga may estorya ang US kag Iran bahin sa ppagtakop sang tensyon sa Middle East kag iya ginpahamtang nga ipostpone ang mga atake sa Iranian power plants sa sulod sang lima ka adlaw.
Apang, ginpahayag sang Iran nga wala pa sila nakig-istorya sa US.
Nagsaka man ang European stock markets sa FTSE 100 (+0.5%), Germany Dax (+1.5%), France Cac (+1%), samtang nagbuhin ang stocks sa Asia, labi na sa Japan (-3.5%) kag South Korea (-6.5%), nga apektado sang conflict bangud sa ila pagkadepende sa oil kag gas nga naga-agi sa Strait of Hormuz.
Ang Strait of Hormuz, nga gina-agyan sang 20% nga global oil kag liquefied natural gas, nga apektado man sang kinagamo kag nagadala sang global fuel price surge kag kabalaka sa energy security.
Ang International Energy Agency (IEA) nagpaalinton nga ang krisis sa kasamtangan mahimo magdala sang pinakamalain nga energy crisis sa dekada.
Samtang, ang pagsaka naman sang presyo sang gatong kag gas sa UK ang nagahatag kahadlok sa mataas nga domestic energy bills, samtang ang government borrowing costs nagataas, nga nakaabot sa pinakamataas nga sukot sang 2008 financial crisis.
Magapamuno si Prime Minister Sir Keir Starmer sa emergency Cobra committee agud talakayon ang energy security, resilience sang supply chains, kag epekto sang gera sa cost of living.
