Nag-ako si Levi Baligod nga isa ka “error” ukon sayop ang paglakip niya sa ngalan ni Leila de Lima sa listahan sang mga mamalidha nga gin-alegar nakabaton sang dako nga balor sang kuwarta.
Ginpahayag sang abogado nga ginasiling sang mga retirado nga suldado nga kaupod ang anay senador sa mga meeting may kaangtanan sa International Criminal Court (ICC).
Suno pa sa iya, posible nga amo ini ang rason nga nadugang niya ang ngalan ni De Lima sa mga gin-alegar nga miyembro sang Kongreso nga nakabaton sang kuwarta.//Ginkilala ni Baligod nga mahimo ini tawgon nga iya sala.
Ginpahayag man sang abogado nga indi suno pa maleta sang kuwarta ang gin-alegar nga ginhatag kay De Lima kundi paper bag lamang, nga posible may unod nga nagabalor sang P5 milyon tubtob P10 milyon.
