Dapat siguruhon sang gobyerno sang Pilipinas sa mga residente sang Kalayaan Island Group (KIG) nga indi sila pagtalikdan ukon pabayaan, kasunod sang kontrobersyal nga pahayag ni Sen. Rodante Marcoleta nga dapat na lang “i-give-up” ang KIG.
Ang nangin ppahayag ni Marcoleta nagtuga sang kabalaka sa mga pumuluyo nga nagaestar sa munisipyo sang Kalayaan, nga yara sa gina-awayan nga bahin sang West Philippine Sea.
Suno kay retired Supreme Court Senior Associate Justice Antonio Carpio, katungdanan sang mga pumuluyo nga mabatian ang pagpasiguro sang gobyerno kag ipakita nga protektado sila, kasubong sang proteksyon sang Pilipinas sa tanan nga teritoryo sini.
Ginpabutyag man niya nga indi husto nga ipahayag nga wala sang katungod sa West Philippine Sea, labi na nga may insakto nga layi kag international law nga nagakilala sa katungdanan sang Pilipinas sa nasambit nga kadagatan.
Nagalaum si Carpio nga paagi sa debate kay Marcoleta, maipakita sa mga Pilipino nga ang WPS ginapanag-iyahan sang Pilipinas kag indi dapat pabay-an ang KIG.
Ginpahayag man niya nga ang debate isa ka paagi agud mapahamtang ang kahibalo sang publiko kag masiguro nga protektado ang katungdanan sang mga pumuluyo kag seguridad sang nasambit nga munisipyo sa West Philippine Sea.
