Patay ang 12 ka tawo samtang 309 naman ang napilasan sa pag-atake sa isa ka pahugpaan sa Saudi Arabia.
Ini na ang ikatlo nga beses nga gin-atake ang amo nga pahugpaan sa sulod sang sini nga semana, nga nagtuga sang kabalaka sa seguridad sang mga pasahero kag mga empleyado.
Apisar wala sang grupo nga nag-angkon sang responsibilidad sa pag-atake, nagapati ang mga otoridad nga posible nga ang Houthi rebels ang yara sa likod sang insidente.
Ang Saudi Arabia nagasuporta sa gobyerno sang Yemen sa ila pagpakig-away kontra sa Houthi rebels, nga ginatudlo nga may suporta halin sa Iran.
Bangud sang insidente, madamo nga mga biyahe sang eroplano sa isa sa mga mayor nga pahugpaan sa Saudi Arabia ang gin-divert ukon ginbalhin sa iban nga pahugpaan bangud sa mga kabalaka sa seguridad.
Sa karon, padayon naman nga ginatutukan sang mga otoridad ang sitwasyon kag ang imbestigasyon agud matumod ang mga responsable sa asod-asod nga pag-atake.
