Ginkoronahan bilang 2026 Miss Grand International si Jihan Mohin Dimachk sang Tanzania sa coronation night nga ginhiwat sa Bangkok, Thailand, sang Sabado sang gab-i.
Nalabawan ni Dimachk ang iban pa nga mga kandidata kag siya ang nangin bag-o nga tag-iya sang korona sang prestihiyoso nga beauty pageant.
Samtang, nakuha naman ni Shyare Andrade sang Ecuador ang titulo nga first runner-up, samtang si Beau Megan Goos sang Netherlands ang second runner-up.
Sa pihak nga bagin, ginkilala man si Ximena Carrillo sang Guatemala bilang third runner-up, kag si Emoura Pham sang Vietnam ang fourth runner-up.
Ginpasa naman ni Miss Grand International 2025 Emma Tiglao sang Pilipinas ang korona sa iya nga manunubli.
Samtang, wala nakasulod sa Top 5 ang pambato sang Pilipinas nga si Angelica Lopez halin sa Palawan, bangud nag-untat ang iya kampanya sa kompetisyon sa Top 25.
Apang, apisar wala niya nakuha ang korona, nagdaog si Lopez sang Best National Costume award paagi sa iya kasuksok nga nasandig sa konsepto sang mangkukulam.
