Ginpasiguro ni DPWH Secretary Vince Dizon nga ang tanan nga bag-o nga flood control projects sa idalom sang ahensya, lakip na ang sa Iligan, ipadalom sa hugot nga monitoring kag magsunod sa husto nga proseso kag plano.
Ini matapos makaeksperyensya ang Iligan sang mabaskog nga pagbaha bangud sang Bagyong Basyang nga nagresulta sa lima ka napatay kag lapad nga halit.
Gindugang pa ni Dizon nga usaron ini nga kahigayunan para sa mas husto nga pagplano sang mga flood control initiatives sa 2027, kun sa diin suguran na ang pagtukod sang mga estruktura nga magasabat sa kinahanglanon sang mga pumuluyo sa mga flood-prone areas.
Suno sa monitoring sang DPWH, indi lang Iligan ang nagakinahanglan sang amo nga mga proyekto kundi pati man ang Cagayan de Oro, Cotabato, kag Maguindanao.
Madumduman man nga sa proposed 2026 national budget, may P2.49 bilyon nga ginpain para sa maintenance kag operation sang mga nagapadayon nga flood control kag drainage systems.
