-- ADVERTISEMENT --
Ginaimbestigahan na sang Philippine Coast Guard (PCG) ang posible nga oil spill ukon pagawad sang gatong matapos madeteksyon ang gin agyan sang gatong sa lugar nga katapusan nga nakita ang natumba nga Singaporean-flagged cargo vessel nga M/V Devon Bay.
Suno kay PCG spokesperson Captain Noemie Cayabyab, nakita ang inagyan sang gatong sa ginpatigayon nga aerial search sa na report nga distress site nga ginabanta yara sa 141 nautical miles sang Sabangan Point sa Agno Bay, probinsya sang Pangasinan.
Naobserbahan man sang mga awtoridad ang isa ka naglubog nga life raft, isa ka gamay nga inflatable boat nga ginagamit para sa emergency evacuation.
