Ginakonsiderar sang Makabayan Coalition nga napasang-at na nila ang impeachment complaint batok kay Pangulo Ferdinand Marcos Jr., apisar wala pa ini personally nabaton ni House Secretary General Cheloy Garafil, nga yara sa Taiwan para magaton sang award.
Suno sa mga complainants nga sanday Renato Reyes, Neri Colmenares, kag Teddy Casiño, nasunod nila ang requirements sa pagpasang-at sang complaint, nga verified kag may endorsement, kag ginpaathag nga ang konstitusyon mismo wala naga-mention sang pulong nga secretary general, kundi ginmandato lang sang Kamara nga isumiter ang reklamo sa talatapan sini, nga ila naman gin-sunod.
Nagbilin sila sang kopya sang complaint sa opisina sang Secretary General, kag ini ang magatransmit kay House Speaker Faustino Dy sa Lunes o kon magbalik na ang sesyon sang Mababang Kapulungan.
