Padul-ong na sa Pilipinas ang pinaka-una nga modelo sang Rajah Sulayman-class offshore patrol vessel nga ginbakal sang gobyerno para sa Philippine Navy.
Pagapangalan ang bag-o nga isa sa pinakamoderno nga barko sang pungsod bilang BRP Rajah Sulayman (PS-20).
Magbyahe ini sang pila ka adlaw humalin sa shipyard sang HD Hyundai Heavy Industries sa Ulsan, South Korea, padul-ong sa Naval Operating Base Subic.
Pag-abot sa Pilipinas, ginalauman nga magahatag ang Philippine Navy sang formal nga Welcome Ceremony sa bag-o nga barko kag mga crew sini.
Magapaidalom anay ini sa pila ka serye sang testing kag local fittting antes i-komisyon para magserbi sa sa Philippine Navy.
Madumduman nga Hunyo 2022 sang nagpirma ang Department of National Defense kag South Korean shipbuilder Hyundai Heavy Industries (HHI) sang kontrata agud magbakal sang mga nasambit nga barko.
Anum nga Rajah Sulayman-class OPV ang nalakip sa nasambit nga kontrata, kag ini ang una nga modelo nga ginalauman ma-komisyon.
