Gina-expektar nga may 23 ka mga stall sang firecrackers kag pyrotechnics nga maga-display sa Disyembre 8 tubtob 31 sa Gensan Drive, Zone 2, .
Ini ang nangin pahayag ni Johmel Alo, presidente sang Koronadal City Firecrackers and Pyrotechnics Retailers Association, sa interview sang Bombo Radyo Koronadal.
Suno kay Alo, magapabilin lang sa 23 ka mga official kag legal nga retailers sang palupok ang magadisplay sa siyudad sang Koronadal. Dugang pa sa iya, agud makabaligya ang mga firecracker vendors, kinahanglan nga organisado ang mga retailers kag nakatapos sang orientation, training, kag seminars nga ginahimo sa idalom sang PNP, BFP, kag iban pa nga national officials nga nagahatag sang mga lecture bahin sa mga balaod nga may kaangtanan sa firecrackers kag pyrotechnics.
Nagpahinumdom man si Alo sa katawhan nga magbakal lang sa designated area sang mga palupok kag sa mga opisyal kag legal nga retailers agud malikawan ang disgrasya sa tion sang kapaskwahan.
