Arestado ang isa ka 38- anyos nga lalaki matapos sa ginpatuman nga Search Warrant sang Banga MPS sang tinalikdan nga adlaw.
Ginkilala ang suspek sa kay alyas “Jun,” lalaki, 38 anyos, kasado, wala sang trabaho, kag residente sang Brgy. Punong Grande, Banga, South Cotabato.
Narekober sa iya nga balay ang Isa (1) ka caliber .45 pistol nga may yara sang serial number isa (1) ka steel magazine, Apat (4) ka live ammunition sang caliber .45, duwa (2) ka empty plastic sachet nga may residue sang ginapatihan nga shabu kag iban pa.
Samtang, gin arestar ang subject person kag ginpaathag sa iya ang iya constitutional rights, kag ginpasakup sa kustodiya sang Banga MPS para sa nagakaigo nga disposisyon. Ang formal complaint para sa paglapas sang Sec. 11 kag 12, Art. II sang RA 9165 ang ginahimo na para isampa batok sa suspek.
