Ginbuyagyag ni Cardinal Pablo Virgilio David nga may pila ka mga mambabatas nga nagpalapit sa iya kag nagkumpisal nga imbolbado sila sa anomalya sa mga proyekto para sa pagkontrol sang baha. Ginsiling niya nga nagpangayo ang mga ini sang spiritual nga gabay tungod sa ila nahimo.
Dugang pa sang Catholic Bishops’ Conference of the Philippines (CBCP) president kag Kalookan bishop nga ang mga imbolbado nga pulitiko tama gid ang paghinulsol. Wala naman naghatag pa sang bisan ano nga ngalan ang Cardinal basta ginsiling niya nga halin sa Senado kag House of Representatives ang mga nagpalapit sa iya.
Siling niya, daw nagbugtaw na ang tanan kag nasakitan na man tungod sa ila nahimo.
Madumduman nga makapila na man nagpanawagan si David sa gobyerno nga pahugtan ang kampanya sini batok sa korapsyon.
