Sinibak si Katie Zacharia bilang White House press secretary wala pang isang linggo matapos manungkulan, kasunod ng mga batikos sa kaniyang unang press briefing at mga tanong sa kaniyang legal na kwalipikasyon.
Ayon sa mga opisyal ng administrasyong Trump, sunod-sunod ang kontrobersiyang kinasangkutan ni Zacharia. Nauna ring hiniling ni US President Donald Trump na pag-isipan niya kung ipagpapatuloy pa ang trabaho.
Itinalaga si Zacharia bilang kapalit ni Karoline Leavitt at nagsimula noong Lunes, bago ang kaniyang unang press briefing kinabukasan.
Naging usapin din ang pahayag niyang may karanasan siya sa international transaction law, sa kabila ng pag-amin na hindi siya nakapasa sa bar examination sa Estados Unidos.
Samantala, sinabi ni Trump na hindi siya nagmamadaling magtalaga ng kapalit ni Zacharia. Dahil sa maikling panunungkulan, maaari itong maging isa sa pinakamaikling termino ng isang White House press secretary sa kasaysayan.
