Naglab-ot sa sobra P18 milyon ang kabug-usan nga manggad ni Senadora Risa Hontiveros, base sa iya nga Statement of Assets, Liabilities, and Net Worth (SALN) para sa tuig 2024.
Si Hontiveros ang una nga senador sang ika-20 nga Kongreso nga nagpublikar sang iya bug-os nga propedad.
Base sa SALN ukon dokumento nga gin-sumite ni Hontiveros, yara sa P19.88 milyon ang kabug-usan nga balor sang iya mga propedad, lakip na ang tatlo ka real properties nga may balor nga P8.73 milyon kag personal nga propedad pareho sang mga salakyan, cash deposits, alahas, furniture, kag mga libro nga naglab-ot sa sobra P11 milyon.
Isa lamang ka utang ang nakasulat sa SALN — isa ka car loan nga nagabalor P897,840.
May negosyo ukon financial interest man si Hontiveros sa tatlo ka kompanya: isa ka dive resort kung sa diin stockholder sia, isa ka rural bank kung sa diin miyembro sia, kag isa ka wholesale trade company kung sa diin miyembro man sia.
Wala man sia ginreport nga bata nga menor de edad, kag wala sia sang paryente sa gobyerno.
Ang nasambit nga pag-file kabahin sang padayon nga pagsunod ni Senadora Hontiveros sa transparency kag accountability bilang isa ka alagad-banwa.
