Nakagwa na sa Gemelli Hospital sa Rome si Pope Leo XIV matapos ang iya operasyon sa baga kag nagbalik sa iya apartment sa Vatican.
Suno sa Holy See Press Office, ginapaabot nga pangunahan liwat sang Santo Papa ang Angelus prayer sa Domingo halin sa Apostolic Palace, kasunod sang iya pagpaospital.
Madumduman nga apat ka adlaw nga nagpabilin sa ospital ang 71-anyos nga Santo Papa matapos nga kuhaon sang iya mga doktor ang nagtipon nga tisyu sa iya baga.
Suno sa report, wala sang komplikasyon nga natabo sa operasyon kag ginpasiguro sang iya mga doktor nga maayo ang iya kahimtangan antes siya ginpaguwa sa ospital.
Ang iya paggwa sa ospital nagapasabot nga mahimo na siya makapadayon sa iya pagpahuway sa Vatican, samtang ginabantayan gihapon ang iya kahimtangan suno sa laygay sang iya mga doktor.
Sa pihak sini, ginapaabot nga ang pagbalik niya sa pagpanguna sang Angelus prayer mangin kabahin sang pagpadayon sang iya mga buluhaton bilang Santo Papa.
