KORONADAL CITY – Yara na sa kustodiya sang mga otoridad ang isa ka senior citizen matapos nga madakpan sa ginpatigayon nga drug buy-bust operation sang Koronadal City Drug Enforcement Unit pasado alas-5:00 sang hapon, Biyernes, Oktubre 3, 2025 sa Purok New Leganes, Barangay Zone 1, Koronadal City.
Ginkilala ang suspek sa si alyas nga “Rey”, may asawa, isa ka laborer, kag residente sang nasambit nga barangay.
Narekober sang mga operatiba ang isa ka dako nga sachet sang ginapatihan nga shabu nga may kabug-aton nga 25 gramo kag may market value nga P170,000.
Nakuha man sa operasyon ang P500 nga marked money.
Sa karon, natalana nga magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 ang suspek.
