Ginpahayag ni anay Undersecretary sang Department of Public Works and Highways (DPWH) nga si Roberto Bernardo ang paghatag sang komisyon sa pila ka mga mamalidha halin sa mga maanomalya nga flood control projects.
Ginhimo niya ini sa ginpatigayon nga hearing sang Senate Blue Ribbon Committee sang Huwebes sang aga, Setyembre 25, 2025.
Suno kay Bernardo, nagdala siya sang 20% halin sa P800 milyon, nga naga-igo sa masobra P160 milyon, kay Meynardo, kag suno sa iya, ini nga kwarta para kay Senador Chiz Escudero.
Luwas kay Escudero, ginpangalanan man niya sanday anay Senador Bong Revilla, Senador Nancy Binay, kag Ako Bicol Party-list Rep. Zaldy Co, Sen. Bong Revilla kag si Deped Secretary Sonny Angara nga mga imbolbado man sa amo nga anomalya sa nasambit nga mga proyekto.
Samtang, gin-ako man ni Bernardo nga siya mismo imbolbado sa mga iregularidad sa pila ka flood control projects sang DPWH.
Nagtakop ang iya pahayag sa pagsumiter niya sang aplikasyon sa Witness Protection Program sang Department of Justice sa diin ginpangabay ni Justice Secretary Jesus Crispin Remulla sa komite nga tugutan siya nga dal-on si Bernardo sa DOJ agod mas mapabaskog ang pag-usisa sang iya testimonya, kag gilayon ini gin-aprubahan sang komite.
