Ginpabaskog ang seguridad sang Barangay Paraiso sa Koronadal City pinaagi sa pag-deploy sang tatlo ka grupo sang Barangay Peacekeeping Action Team (BPAT) sa mga pribado nga sementeryo sa ila nasakupan para sa Undas 2026.
Sa interview sang Bombo Radyo Koronadal ginpahayag ni Barangay Captain Danilo Leguro, nga gin-assign ang tagsa ka BPAT team sa Golden Valley, Forest Lake kag Golden Haven Memorial Parks, nga may anum tubtob pito ka miyembro kada grupo.
Suno kay Leguro, mas madamo ang nagabisita sa Golden Valley kag Forest Lake, samtang mas diutay pa ang mga nalubong sa Golden Haven Cemetery.
Nagakoordinasyon man ang barangay sa kapulisan kag traffic enforcers agud mapadayon ang kahapsay sang trapiko, ilabi na sa mga dalanon nga tuman ang pagginutok.
Ginpanawagan ni Leguro sa publiko nga magkooperar kag magsunod sa mga paalinton sang kapulisan, traffic enforcers kag BPAT agud masiguro ang malinong kag hapsay nga pagdumdom sa ila mga pinalangga nga napatay sa tion sang Undas.
