-- ADVERTISEMENT --
Gin-anunsyo nanday popstar Taylor Swift kag sang iya nobyo nga si Travis Kelce nga sila subong engaged na.
Sa ila social media account ginpatigayon ang pahibalo kun sa diin may kataga nga, “Your English teacher and your gym teacher are getting married.”
Ginpa-ambit man nila ang mga laragway nga makit-an ang singsing nga diamond nga ginasuksok sang singer kag ang pagluhod sang football star sa pagpropose sang kasal sa iya.
Halos duha ka tuig na ang ila relasyon nga nagsugod sang Setyembre 2023 sang nagtambong si Swift sa kadam-an nga duwa sang Kansas City Chiefs.
Nagbaha ang mga pangdayaw kag pagbati halin sa mga fans sang duha pagkatapos nabalitaan ang ila engagement.
