Nagakaagay nga mahatagan sang insakto nga impormasyon kag bastante nga edukasyon ang publiko agud nga mas maintindihan sang maayo ang kaundan sang impeachment case ni VP Sara Duterte kag ang ginpaguwa nga desisyon sang Supreme Court.
Ini ang nangin pahayag ni Ivan Ray Amadio- Political Science Instructor sang NDMU sa interview sang Bombo Radyo Koronadal.
Suno kay Amadio, delikado katama ang public opinion labi sa na sa mga kilala kag mga sikat nga personalidad sa social media ukon sa diin man.
Ginpahayag man sini, wala naga kwestyon sa substance ang decision sang Korte Suprema apang ini ang naga-refer sa procedure ukon pamaagi sang impeachment ni Duterte bilang isa ka impeachable official.
Ginhatagan man sini sang punto nga ang public opinion ang mahimo makaapekto sa desisyon sang representante sang mga katawhan sa mataas nga posisyon sang gobyerno gani dapat nga ma-edukar ang tanan sa mga nagkalain-lain nga opinion angot sa nasambit nga issue.
Madumduman nga nag-angkon sang nagkalain-lain nga reaskyon ang ginpaguwa nga desisyon sang SC kag madamo man sang mga interpretasyon sini.
