Ginkuwestyon sang mga senador ang plano nga pagsugod sang impeachment trial ni Vice President Sara Duterte sa Agosto 4, isa ka semana matapos ang pagbukas sang 20th Congress.
Suno kay Sen. Panfilo Lacson, dapat ini pagahisgutan sa plenaryo agud may rason sa pagka-delay sang pagbalik sang impeachment court.
Dapat man pagbotohan ini sang 24 ka senador kag may klaro nga pagpanginwala ukon pagpati sa boto.
Ginpangabay man ni Sen. Tito Sotto III nga pasugdan na ang impeachment trial sa gilayon tungod sobra na ang pagka-delay.
Si Sen. Kiko Pangilinan naman nagapanawagan sang klaripikasyon sa petsa sang trial, samtang si Sen. Bam Aquino naga-express sang preparasyon kag siguruhon niya nga sundon ang layi kag kapakanan sang pumuluyo.
Ginsiling ni Sen. Joel Villanueva nga ang una nag adlaw sang trial amo ang Agosto 4, isa ka semana matapos ang SONA ni President Marcos sa Hulyo 28.
