Nagakabalaka ang Department of Foreign Affairs (DFA) sa pagdamo sang mga Pilipino nga nabiktima sang human trafficking kag na-trap sa mga scam centers sa bug-os nga Southeast Asia.
Suno sa ahensya, nakakabahala ang amo nga mga report, pero wala nila gin-isa-isa ukon ginspecify kun pila na ka kaso ang ila na baton.
Bilang sabat, ginpahayag sang DFA nga nagakigbahin na sila sang kooperasyon upod sa mga kasilingan nga pungsod sa Mainland Southeast Asia nga nagalakip sang Thailand, Myanmar, Lao PDR, kag Cambodia.
Nagpromisa man ang DFA nga magabulig sa mga Pilipino nga yara sa kalisod samtang nagapakig-angot sa iban nga pungsod para sa kooperasyon upod sa Pilipinas.
Gindugang sang DFA nga padayon sila nga nakatutok sa pagluwas kag pagpauli (repatriation) sang tanan nga mga Pilipino nga nabiktima sang human trafficking.
Nagpanawagan man sila sa tanan nga mga Pilipino, lakip na ang mga overseas communities, nga suportahan ang mga tikang sang gobyerno sang Pilipinas agud mapunggan ang tanan nga porma sang illegal recruitment kag exploitation.
