Wala sang namonitor nga banta kag ilegal nga aktibidad ang Koronadal City PNP angot sa nagapadayon nga local campaign period sa siyudad.
Ini ang ginpahayag ni Police Lt. Col. Peter Pinalgan Jr., hepe sang Koronadal City PNP, sa interview sang Bombo Radyo Koronadal.
Suno kay Pinalgan, general peaceful ang dalagan sang local period sa siyudad sang Koronadal kung sa diin ginpasalamatan sini ang mga nagapadalagan sa eleksyon kag ang publiko sa ila pagsunod sa mga Comelec guidelines, ilabi na nga nagapalapit na ang eleksyon.
Dugang pa sini, ginpasiguro sang Koronadal City PNP nga padayon ang ila pagbantay kag monitoring sa nagapadayon nga local campaign period paagi sa mga comelec checkpoint sa siyudad kag iban pa.
Nagpanawagan man ini sa publiko nga magkooperar sa mga otoridad kag ipahibalo sa kapulisan kon may makita sila nga makaduluda nga mga persona, grupo kag mga insidente, magpalapit ukon magtawag sa kapulisan.
