Nagpatuman sang temporary import ban ang Deartment of Agriculture sa mga importation sang mga baka halin sa Japan bangod sa outbreak sang Lumpy Skin Disease (LSD).
Sa idalom sang memorandum order no. 57 ang pansamanta nga ginapa-untat ang pagimport sang mga produkto nga baka sa Japan bangod sa nasambit nga sakit.
Suno kay Agriculture Secretary Francisco Tiu Laurel Jr., ang temporary ban ang para malikawan nga malapta ang sakit sang mga baka sa pungsod kag protektahan ang populasyon sang mga ini kontra LSD.
Ang LSD ang isa ka sahi sang sakit nga nga nagaumpisa sa panit sang baka nga nagatubigtubig nga bukol nga magin sahi sang kamatayon sang baka.
Ginreport suno pa dayon sang Japan ang mga insidente sang nasambit nga sakit sa World Organization for Animal Health kag dalayon natukiban ang lugar sang Fukuoka kag Maebaru bilang ang pinaka-apektado nga lugar.
Padayon man ang ginahimo nga monitoring sang ahensya agud mabantayan ang livestock industry sa pungsod.
