-- ADVERTISEMENT --
Matigdas nga ginkondena sang International Criminal Court (ICC) ang pagpataw sang sanctions sang Estados Unidos batok sa ila.
Suno kay ICC President Tomoko Akane, indi ini pagabatonon bangud independente kag legal ang ila ginahimo nga mga imbestigasyon.
Ginpabug-atan man niya nga wala sang politikal nga motibo ang ila mga imbestigasyon.
Dugang pa ni Akane, ang amo nga aksyon ginakabig nga pag-atake sa mga biktima sang politikal nga pagpamugos.
Apang, ginpahayag niya nga indi sila mahadlok sa mga pamahog sang US, lakip na ang pagpataw sang sanctions.
Madumduman nga nagpataw sang sanctions ang US batok sa ICC may kaangtanan sa pagpasaka sang kaso batok sa pila ka Amerikano, bisan pa nga indi na miyembro sang korte ang Estados Unidos.
