Nagapati si Department of Education Secretary Sonny Angara nga pagasabtan ni Presidente Ferdinand Marcos Jr ang ginhimo nga pagbuhin sang P12 billion sa pondo sang DepEd para sa 2025.
Ginpa-athag man ni Angara ang importansya sang paghatag sang prayoridad sa sektor sang edukasyon.
Pa-athag man sang dati nga finance chairman, sa mga tinalikdan nga tuig, ginpasakaan sang Kongreso ang pondo nga ginpropose sang ehekutibo para sa Deped.
Ginkadismaya ni Angara nga ginbwasan ang sektor sang edukasyon sa 2025 proposed national budget.
Madumduman sang tinalikdan nga semena, gin-aprubaran sang bicameral conference committee ang propose nga P6.352 trillion nga pondo para sa masunod nga tuig kung sa diin kabilang sa ginbawasan ang department of education sang P12 billion kag P30 billion sa Commission on Higher Education.
Imbes nga dugangan ginbawasan pa ini nga gin ka-dismaya si Angara.
