Ginhan-ay ni President Ferdinand Marcos Jr. ang mga posible nga dugang nga tikang agud masiguro ang suplay sang tubig sa tion sang posible nga tuman nga tag-ilinit bangud sa Super El Niño, lakip ang pagpanagtag sang water filters kag pagpatigayon sang cloud-seeding operations.
Sa press conference nga ginhiwat bilang kabahin sang iya Working Visit to Singapore, gin-agda sang presidente ang publiko nga magtipig sang tubig-ulan nga mahimo magamit sa tion sang kakulang sang tubig. Gindugang pa sang presidente nga tudluan sang gobyerno ang publiko kun paano ini matinlo agud mangin luwas gamiton.
Samtang, ginapanumdom ang mga panimalay nga magpreparar sang mga suludlan sang tubig kag magtipid sa adlaw-adlaw nga paggamit sini agud malikawan ang pag-usik sang suplay.
Paagi sa sini nga mga tikang, ginatinguhaan nga mabuligan ang mga komunidad nga mangin handa sa posible nga epekto sang Super El Niño, ilabi na kon maglawig ang tig-ilinit kag magnubo ang suplay sang tubig.
