KORONADAL CITY – Ginbawian sang kabuhi ang drayber sang isa ka motorsiklo samtang pilason naman ang angkas sini matapos nga mabunggo sa kasugata nga pick-up sa Purok 8, Barangay Acmonan,Tupi, South Cotabato.
Ginkilala ang napatay nga si Pejei Masamlok Magon, 28-anyos, may asawa kag residente sang Sitio Lamlatang,Brgy.Juan Loreto Tamayo sa nasambit ga banwa samtang pilason naman ang utod sini nga si Daylene Masamlok Magon nga residente man sang nasambit nga lugar.
Ginkilala ang napatay ngasi Pejie Masamlok Magon, 28 anyos, residente sang Sitio, Lamlatang,Brgy.Juan Loreto Tamayo,Tupi South Cotabato.
Sa inisyal nga imbestigasyon sang mga otoridad, isa ka pick up ang nabunguan sang motorsiklo nga ginamaneho ni Pejei kag bangud sa kabaskog sang impact nagtabog ang mga ini kag nag-agom sang madamo nga pilas sa nagkalai-lain nga bahin sang ila lawas.
Gindala pa sa balay bululngan ang mga biktima apang ginbawian sang kabuhi ang driver sang motorsiklo.
Sa karon, nagapaayo na sa hospital ang utod sang driver nga napatay.
Samtang, yara naman sa kustodiya sang Tupi PNP ang driver sang pick-up nga ginkilala kay Alexander Gica Lim, 67-anyos nga residente sang Purok Cadellara, Barangay Poblacion sa nasambit nga banwa.
Sa karon, nagapadayon pa ang imbestigasyon sa nagluntad nga aksidente.
