Nagapanawagan ang mga grupo sang lokal nga manugbaboy sa Pilipinas sang gilayon nga pagpasaka sang taripa kag temporaryo nga pagdumili sa pag-angkat sang karne nga baboy bangud sa nagalala nga krisis sa industriya.
Suno sa ila joint manifesto, naganubo sa P90 tubtob P120 kada kilo ang farmgate price sang buhi nga baboy, samtang nagamahal ang pakaon.
Bangud sini, nagaabot sa P9,000 ang ginakalugi sa kada baboy.
Nagapangayo ang mga grupo sang 40 porsiyento nga taripa para sa out-quota kag 30 porsiyento para sa in-quota, lakip ang temporaryo nga import ban kag hugot nga inspeksyon sa mga pantalan.
Samtang, nagpasaka si Senador Francis Pangilinan sang Senate Resolution 726 agud imbestigahan ang krisis.
Suno sa iya, ginabulubanta nga nagaabot sa P250 milyon kada adlaw ang kapredihan sang lokal nga mga magbababoy.
Nagpaandam ang mga grupo nga kun indi ini gilayon nga maaksyunan, madamo nga magbababoy ang posible nga mag-untat sa negosyo, nga magadugang sa pagsalig sang pungsod sa imported nga karne kag magabutang sa peligro sa seguridad sang pagkaon.
