Ginpahayag ni Senate Majority Leader Migz Zubiri nga ang pagkabahin sang isa ka senador sa Majority ukon Minority bloc wala nagakahulugan nga awtomatiko na ang iya boto para sa conviction ukon acquittal sa impeachment trial.
Suno kay Zubiri, posible nga may mga senador halin sa Majority bloc nga magbotar para sa acquittal, samtang mahimo man nga may mga miyembro sang Minority nga magpabor sa conviction.
Siling pa niya, sa ulihi, ang mga ebidensya nga ginpresentar sa impeachment trial amo ang dapat mangin basehan sang mga senator-judge sa paghimo sang ila desisyon.
Gani, ginpahayag ni Zubiri nga indi dapat ibase sa political bloc ang magiging boto sang mga senador, kundi sa mga ebidensya kag mga isyu nga ginatalakay sa impeachment proceedings.
