Yara na sa kustodiya sang mga otoridad ang duha ka ginakabig nga High Value Individual (HVI) sa ginpatigayon nga drug buy-bust operation sa Purok 3, Barangay Barurao 2, Lebak, Sultan Kudarat.
Ginkilala ni Lebak MPS Chief of Police PLTCOL Benito A. Rotia Jr. ang mga suspek nga sanday alyas ‘Efren’, 42-anyos, may-asawa, driver kag residente sang Purok Malipayon, Barangay Cadiz, Kalamansig.
Samtang, ginkilala naman ang isa pa ka suspek nga si alyas ‘John’, 20-anyos, Single, jobless, kag residente sang Purok 3, Barangay Limulan sa nasambit nga banwa.
Nakumpiska sang kapulisan gikan kay alyas Efren ang tatlo ka dalagko nga pakete sang ginapatihan nga shabu, buy-bust money, 19,000.00 boodle money, 1 hand grenade, 1 small ecobag kag isa [a ka unit sang cellphone.
Nakumpiska naman kay alyas John ang apat ka heat-sealed plastic transparent sachet nga may unod nga white crystalline suspected shabu.
Sa kabugusan yara sa P1,142,400.00 pesos nga kantidad sang shabu ang nakuha sa mga suspek.
Ang nasambit nga operasyon ang ginpatigayon sang SKPDEU/SKPIU, 2nd SKPMFC, kag Delta RID-12 Tracker Team Delta.
Nakahanda naman nga pasakaan sang kasso nga paglapas sa RA 9165 ukon Comprehensive Dangerous Drugs Act of 2002 ang mga suspek.
