Naaretso sang mga otoridad ang duha ka mga suspek sa ginpatigayon nga buy-bust operation sang Pres Quirino MPDEU sa Purok Sampaguita, Brgy. Tual, Pres.Quirino, Sultan Kudarat subong nga adlaw sang Lunes, Hulyo 29, 2024.
Ginkilala ang mga suspek nga sanday alyas “Paterno”, 30 anyos, construction worker, kag alyas “Henry”, 30 anyos, driver nga lunsay mga residente sang Esperanza, Sultan Kudarat.
Naaresto ang mga suspek sa ginpatigayon nga buy-bust operation sang mga tinawo sang President Quirino MPDEU kaupod ang SKPDEU, RSOG 12, 1st SKPMFC, 1202nd MC RMFB12, SK PIU kag RID Tracker Delta.
Nakumpiska gikan sa mga suspek ang tatlo kabilog nga heat-sealed transparent plastic sachet nga may unod nga shabu nga nagakantidad sang Php13,600.00, kag Php500 bill nga buy-bust money.
Nagapangatubang naman ang mga suspek sang kaso nga paglapas sa RA 9165 ukon Comprehensive Dangerous Drugs Act of 2002.
Ang bug-os nga kapulisan ang padayon nga nagapangdakop sang mga tawo nga nagapalapta sang illegal nga droga sa pungsod.
