KORONADAL CITY – Nasapwan sang mga otoridad ang mga eksplosibo partikular na ang ‘unexploded Ordnance’ (UXO) sa higad sang suba samtang nagahampang ang mga kabataan sa Purok 7, Brgy Lanao, Kidapawan City.
Suno kay PLt. Col. Dominador Palgan Jr., hepe sang Kidapawan City Police Station, samtang nagahampang ang tatlo ka mga bata sa higaad sang suba nadiskubrihan nila ang mga makaduluda nga butang gani nagpanawag ang mga ini sang mas may edad sa ila.
Gilayon man nga ginreport sa Cotabato Provincial Explosive Ordnance Disposal kag Canine Unit 12 (CPECU 12) ang amo nga butang agud makumpirmar ini.
Dugang pa ni PLtCol Palgan Jr., nasapwan nila ang apat(4) ka unexplosive ordnance, tatlo ka (3) 60 mm HE kag isa ka (1) 81 mm HE nga ginhatag gilayon sa Explosive and Ordnance Unit.
Suno sa opisyal, ini ang pamatuod nga importante ang papel sang pumuluyo sa pagpabilin sang kalinong kag katawhayan sa komunidad.
