KORONADAL CITY – Ginbawian sang kabuhi ang empleyado sang Local Government Unit (LGU) sang Tacuong matapos nga ginluthang sang wala pa makilala nga suspek sa Prk. Daisy, Brgy. New Isabela, Tacurong City alas-1:40 sang hapon, Hulyo 19,2024.
Ginkilala sang kapulisan ang biktima nga si Sonyflor Surdilla Erosedo, 44 anyos, may asawa, empleyado sang LGU-Tacurong bilang panday, kag residente sang Prk. San Roque, Brgy. EJC Montilla sang nasambit nga siyudad.
Sandig sa imbestigasyon sang Tacurong PNP, samtang nagapadulong sa City Engineering Office ang biktima sakay sang XRM motorcycle sini sang hinali na lamang may nag-overtake nga riding-tandem suspects kag gintiro ang biktima sa ulo sang makaduha ka beses.
Bangud sa igo sini sang bala, tigayon nga ginbawians ang kabuhi ang biktima.
Narekober naman sa crime scene ang duha ka fired cartridge sang indi pa matumod nga kalibre sang armas kag cellular phone.
Sa karon, ginahibalo pa sang mga otoridad kun ano ang motibo sang krimen samtang nagapatigayon ang pagpangita sa suspek.
