Ginkumpirmar sang abogado sang pamilya ni Geneva Lopez, nga na-cremate na gahapon, Sabado sang gabi ang bangkay sang Kapampangan beauty queen nga nasapwan nga patay upod ang nobyo sini sa isa ka hilit nga lugar Capas, Tarlac.
Madumduman nga sang Hunyo 21 sang nareport nga missing ang beauty queen kaupod ang iya nga Israeli fiancé nga si Yitzhak Cohen.
Kasamtangan nga yara sa banwa sang Lopez, Pampanga ang haya sang dalaga.
Samtang, sandig sa ginpatigayon nga autopsy nahibaluan nga nag-angkon sang igo sang bala bala sa lawas si Lopez kag ang iya nga boyfriend.
Suno kay NBI Director Jaime Santiago, sandig sa ila nga imbestigasyon nag-angkon sang duha ka gunshot wounds si Lopez kun diin ginluthang ini sa likod nga naglapos sa iya dughan kag sa hita sini.
Samtang ang iya Israeli boyfriend ang nag-angkon sang duha ka igo sang bala sa dughan.
Ginpaidalom na sa ballistic examination ang nasapwan nga bala sa lawas sang beauty queen nga si Lopez.
Nagpatigayon man sang DNA testing ang SOCO para masiguro ang identity sang mga nasapwan nga bangkay.
Samtang, may ginauyatan na sang duha ka suspek ang PNP-CIDG kag sandig sa inisyal nga imbestigasyon, posible nga away sa duta ang motibo sa krimen.
