Nagapapadayon ang recruitment nga ginahimo sang mga rebelde nga NPA sa nagkalain-lain nga lugar sa Mindanao agud pabaskugon ang ila nga pwersa.
Ini ang pagpati ni Lt. Col. Roden Orbon, spokesperson sang 6ID, Philippine Army matapos nga naguwa ang report nga may nasiplatan naman nga mga rebelde nga nagapang-engganyo sang mga Indigenous People (Ips) nga mag-upod sa ila kag mangin myembro sang mga ini.
Suno kay Orbon, bangud man sa padayon nga operasyon sang militar batuk sa mga rebelde, amat-amat na nga nagakahuyang ang ila nga bahin.
Magluwas pa sa mga nagasungka nga mga rebelde nga NPA.
Samtang, na-settle naman ang natabo nga pagkapatay sang isa ka menor de edad sa operasyon sang militar sa Esperanza, Sultan Kudarat nga nasal-an nga katapu sang rebelde.
Anuman suno pa ang natabo naistoryahan na sang duha ka bahin kag naresolbar na.
Ginpasalig man sang militar nga magapadayon ang ila nga monitoring kag pagbantay sa mga rebelde.
Sa pihak nga bahin,wa pa man sila sang mga nabaton nga report angot sa mga kandidato nga biktima sang extrotion kag pagpamahog nagikan sa mga rebelde.
