Liwat nga ginlutos sang Boston Celtics ang Dallas Mavericks sa Game 2 sang National Basketball Association (NBA) Finals sa score na 105-98.
Bangud sa nangin resulta sang hinampang lamang na sa karon ang Boston sa Game series nga may yara na sang 2 ka daug samtang lunsay pierde naman ang Mavs.
Kaangot sini, nagbuhos naman ang pagpanginbulahan sa Boston Celtics matapos nila nga lutuson sa ikaduha nga asod-asod nga hampang ang Dallas Mavericks.
Nahimo sang Boston nga pierdihon ang Dallas paagi sa impresibo nga performance sang bug-os nga team sa pagpanguna sang point guard nga si Jrue Holiday nga nag-angkon sang 26 big points kag 11 rebounds.
Liwat man nga nagpakita sang all-around performance ang power forward nga si Jayson Tatum. Ginbabad si Tatum sang 45 mins kag nagpaguwa ini sang 18 points, 12 assists, kag 9 rebounds. Nagkontribwer man sang 21 points kag 7 assists si Jaylen Brown.
Nagkulang naman anng 32pts, 11 rebs, 11 assts triple-double performance ni Luka Doncic para patumbahon ang Boston. Lima ka player man sang Dallas ang naghatag sang double-digit points kaupod ang 16 points ni Kyrie Irving kag 17 kay PJ Washington apang wala gihapon nagpangibabaw.
Gani balantayan ang madason nga hampang sa June 13,2024 sa homecourt sang Dallas para sa Game 3.
