KORONADAL CITY – Patay ang isa ka lalaki matapos nga ginpulihan kulata sang mga nakaupod sini sa pag-inom sa Purok Pag-ibig, Block 2, Brgy. Zone III, Koronadal City, Mayo 27, 2024, alas 11 sang gab-i.
Ginkumpirmar ini ni Police LtCol. Hover T. Antonio ang hepe sang Koronadal City PNP sa interview sang Bombo Radyo Koronadal.
Ginkilala ang napatay nga si Daryl Candelario, 33 anyos, residente sang Brgy. Pinay, Mambosao, Capiz kag isa ka transien resident sa na-mensyonar nga bahin.
Ginkilala naman ang mga suspek nga sanday Lenon Nacional kag Noen Resonar nga resident sang siyudad sang Koronadal.
Suno kay Police LtCol. Antonio, nagaupod sa pag-inom ang tatlo kag naglab-ot ini sa personal nga komprontasyon nga nag-resulta saila pagbaisay tubtob nga ginkulata patay ang iktima nga si Candelario.
Gindala pa ini sabalay-bulungan apang gindeklarar na ini nga dead on arrival.
Kaangot sini, nagpahanumdom naman ang kapulisan sa mga residente nga kun mag-inom indi na makig-away agud nga malikawan ang kasubong nga hitabo.
