KORONADAL CITY- Nagluntad ang isa ka vehicular accident sa bahin sang National Highway sa Barangay Saravia Koronadal City kung sa diin ginkapilas sang duwa ka mga indibidwal.
Ini ang nanginpahayag ni PMSgt Leo Dimaculangan-PNP TRAFFIC INVESTIGATOR KORONADAL sa interbyu sang BOmbo Radyo Koronadal.
Suno pa sa iya, eksakto sa purok highway sang Purok Maunlad nahitabo ang insidente alas 3:40 sang hapon kahapon nga adlaw
Naimbolbar ang isa ka SUV nga ginamaneho ni Peter Paul Olaybar, 44 anyos may asawa kag residente sang Polomolok South Cotabato, sa isa ka salakyan naman amo ang isa ka Motorsiklo nga ginamaneho ni Babylyn Romero, 19 anyos, single kag residente sang Brgy Calumpang General Santos city, kalakip ang sakay sini nga si Hedriel Kurt De Leon, 20 anyos, single kag residente sang Barangay San Isidro General Santos City.
Ang SUV kay halin sa Tupi padulong kuntani sa Koronadal Poblacion kag pag-abot sa Barangay Maunlad ang motor nag-abot sa linya sang SUV resulta sang banggaan.
Nakakuha naman sang pilas si Romero kag ang sakay sini nga si De leon kag gilayon nga gindala sa South Cotabato Provincial Hospital para sa nagakadapat nga pagbulong.
