KORONADAL CITY- 1 patay samtang isa man ang pilason sa nagluntad nga disgrasya sa nga ginakaulamiran sang isa ka fish car kag motorsiklo sa Purok Kauswagan, Barangay Saravia, Koronadal City.
Ini ang kumpirmasyon ni Police Staff Sergeant Fely Bascon, traffic investigator sang PNP traffic sa interbyu sang Bombo Radyo Koronadal.
Ginkilala ang napatay nga si Peter Glen Cabral yara sa legal nga edad, estudyante, driver sang motor kag kag residente sang General Santos City samtang pilason naman si Jepherson Perong, 40 anyos, fish car driver kag residente sang Barangay Kematu, Tboli, South Cotabato.
Sa imbestigasyon sang PNP Traffic sang Koronadal nang-agaw suno pa sang lane ang nasambit nga motorsiklo nga nangin tunaan sang head on collision sang duha ka salakyan.
Sa karon nagapaayo naman ang pilason nga driver samtang ginkuha naman sang pamilya ang patay nga lawas sang nasambit nga estudyante.
