Ginalauman nga mangin maayo kag makalab-ot sa lebel sang produksyon sang nagligad nga tuig ang ani sang palay sini nga Oktubre kag Nobyembre, suno kay Engr. Rosendo So, Chairman sang Samahang Industriya ng Agrikultura (SINAG).
Bisan maayo ang kasamtangan nga ani, ginpaathag ni So nga wala pa mabatyagan sing bug-os ang epekto sang tuman nga init kag tig-ilinit bangoud sa Super El Niño, nga posible mag-apekto sa masunod nga cropping season halin Nobyembre tubtob Marso.
Bangud sini, ginlaygayan sang pinuno sang SINAG ang mga mangunguma nga kulang sa irigasyon nga magtanom anay sang high-value crops agud malikawan ang posible nga dako nga pagkalugi sa ila pangabuhian.
Ginpaathag man ni So ang importansya sang temprano nga paghatag sang fuel subsidy antes magsugod ang masunod nga planting season, agud magamit ini gilayon sa mga kinahanglanon sa uma.
Nagapabilin nga importante ang temprano nga preparasyon kag nagakaigo nga suporta sang gobyerno agud mapadayon ang malig-on nga produksyon sang pagkaon sa tunga sang peligro nga dala sang El Niño.
