KORONADAL CITY- Padayon nga nagahimakas ang nagkalain lain nga stakeholders sa BARMM region agud maresolba ang nagadamo nga numero sang rido sa rehiyon lakip na sa Special Geograpic Area o SGA.
Ini naman ang ginpahayag ni BARMM Peace Security and Reconciliation Office Head kag MILF-AHJAG Chairman Anwar Alamada.
Suno pa sini nga ang pinakaulihi nga ila ginsettle nga rido an satunga sang duha ka MILF groups sa Binasing, Pigcawayan, Cotabato nga sakop sang SGA.
Luwas pa sini, may mga una na nga instoryahanay sa iban pa nga mga grupo nga wala sang maayo nga paghangpanay.
Sandig sa datos, ginpahayag ni Chairman Alamada nga gikan sa 48 rido sa rehiyon, yara pa lamang ini sa ika 14 ang ginakay-o.
Isa lamang ini ka pamatuod suno kay Alamada nga epektibo ang mga mekanismo kag paghimakas sang gobyerno lakip na ang MILF nga maresolba ini.
Aminado si Chairman Almada nga apisar may pipila ka MILF groups nga lakip sini, ini ang permi na lamang bangud sa away sa lupa o kun pulitika, amo nga padayon ang ila nga panawagan sa gobyerno nga buligan sila sa pagresolba sini.
