KORONADAL CITY- Nagpadayon sa karon ang imbestigasyon sang mga otoridad sa nagluntad nga kinagamo sa Purok 6, Barangay Kapinpilan, Ampatuan, Maguindanao del Sur.
Ini ang ginpahayag ni Ampatuan town police chief Captain Guiseppe Tamayo, sa interbyu sang Bombo Radyo Koronadal.
Suno sa iya, ang mga grupo nga nag umpisa sang gamo ang ginakalakipan sang MILF 118th kag 105th Base Command.
Sang Marso 28 pa lamang sang nag umpisa na ang kinagamo sang duha kag nagdugay pa gid ini tubtub sang aga.
Sa karon ang nakumpirma nga mga napatay ang lunsay mag urutod apang gintago lamang ang ila nga identity bilang respeto sa ila nga pamilya.
Samtang ang duha naman ka mga pilason ang kasamtangan nga gindala sa balay-bululngan kag padayon nga nagapaayo.
Padayon naman nga gina hibalo sang PNP ang motibo sa engkwentro.
Gindugang pa sini nga ang mga residente naman sa lugar ang nagapabilin sa municipal gym at buluthuan makaligad ang mga ini ang nagbakwit bangud sa kahadlok nga maulamid.
Nagahulat na lamang ang mga ini sang go-signal sang LGU kung sila ang pwede na makapauli sa ila tagsa-tagsa ka mga panimalay.
