KORONADAL CITY – Nagsungka sa gobyerno ang anom ka mga katapo sang Bangsamoro Islamic Freedom Fighters o BIFF – Karialan Faction sa 1st Mechanized Brigade sa Camp Leono, Brgy Kalandagan, Tacurong City.
Ang anom ka mga anay BIFF Combatants ang nagsungka kay Lt. Col. Jayson Domingo, ang commanding officer sang 1st Mechanized Battalion.
Kadungan man nga ginsurrender sang mga BIFF ang ila dala nga mga armas kag mga bomba nga ginakalakipan sang isa 60mm Mortar, isa ka M16A1 Rifle, isa ka Garand Rifle, isa ka Cal .30 Carbine Rifle, isa ka Improvised Explosive Device.
Gnipresinta ang anay nga mga BIFF combatants kay Brigadier General Pedro Balisi Jr, Commander, 1Mech Bde, Armor Div, PA lakip sanday Cong. Mohamad “Tong” P Paglas, Representative, 2nd District Maguindanao Del Sur; Atty Cyrus E Torreña, Maguindanao Del Sur, Provincial Administrator; kag Mr Roger D Dionisio, Agila Haven Focal Person sa Camp Leono pinaagi sa isa ka programa.
Gilayon naman nga ginhatagan sang financial assistance ang mga nagsungka kag nakabaton sang sako nga bugas.
Ginphayag naman sang mga nagsurrender nga sila ang nagbalik sa sabak sang gobyermo bangud indi na nila makaya ang kagutom kag kabudlay sa pagdalagan kag paglikaw sa mga tropa sang gobyerno luwas pa sa nabalitaan nila nga mas ginpasankad pa ang mga armas sang mga sundalo nga usaron batok naman sa ila.
