KORONADAL CITY- Yara na sa kustodiya sang kapulisan ang walo ka suno pa notoryos nga ng suspek sa robbery-hold-up at motronapping sa Purok Liwayway Barangay San Pablo, Tacurong City matapos nga maaresto sa ginpatigayon nga hot-pursuit operation sang gintingob nga puwersa sang Tacurong City PNP, 1st Sultan Kudarat Police Mobile Force Company, Task Force Talakudong kag Lambayong PNP.
Suno kay PLt. Col. Joan Maganto, hepe ng Tacurong City PNP, nadakpan sa isa ka barangay sa adjacent municipality sa Maguindanao ang mga suspek makaligad nga gin-alerto sang kapulisan ang kaiping nga estasyon sang kapulisan.
Dugang pa ni Maganto, sakay ang mga suspetsado sang ila gin-agaw nga mga motorsiklo sang maaresto.
Suno man sa opisyal, nagikan ang isa ka biktima sa Barangay San Pablo sang Tacurong City samtang ang isa namn taga President Quirino, Sultan Kudarat.
Gilayon naman nga ginpaidalom sa imbestigasyon ag mga suspek suno sa ila nga partisipasyon sa krimen.
Nagikan suno pa ang mga ini sa North Cotabato kun diin may yara sang nagtudlo sa mga suspetsado nga sila ang responsable sang nagakatabo nga kinawatay sa probinsiya sang Sultan Kudarat.
