KORONADAL CITY – Dako ang maibulig sang mandatory Reserve Officers Training Corps (ROTC) ilabi na kun may yara sang kalamidad kaangay sang linog nga nagtay-og sa naaminhan nga bahin sang Luzon.
Ini ang ginpayahag ni Mr. Randy Pendilla- principal sa Concepcion National High School sa interbyu sang Bombo Radyo Koronadal.
Suno sa iya, isa ini sa rason ni Senator Robinhood Padilla kadungan sang pagfile sini sang Senate Bill 236 ukon liwat nga pagpatuman sa mandatory ROTC bilang rekisitos sa undergraduate degree sa pampubliko kag pribado nga tertiary level nga buluthoan.
Paathag ni Mr. Randy Pendilla, kun may yara sang ROTC madasig ini makaresponde bangud may yara ini sang disiplina kay may yara sang commander nga nagamando.
Ginasiguro naman sang senador nga exempted sa ROTC ang “physically or mentally unfit to render military service”, may disability kag napamatbatan sang criminal offenses involving moral turpitude.
Dugang pa sini nga exempted man ang may isyu bangud sa pagtuo kag naka-eksperensya na sa kaangay nga mga military training.
