Tunga suno pa ang reaksiyon sang mga Pinoy sa Amerika angot sa pagkakas sang constitutional right sang mga kababaihan sa Amerika angot sa aborsiyon.
Ini makaligad nga halos katunga sang mga estado ang ginalauman magasugod naman sang pagpatuman sang hugot nga pagbantay kag pagdumili sa mga abortion clinic nga mag-operar pagkatapos baliskaron sang korte ang 50-anyos nga Roe vs Wade decision.
Ini ang nangin obserbasyon ni Ms. Jelin Dohina-Asamoah, Bombo International Correspondent sa Newyork, USA sa interview sang Bombo Radyo.
Suno kay Asamoah, may yara sang proper nga mga tikang nga kinahanglanhimuon agud nga magpaidalom sa aborsiyon ang isa ka indibidwal sa ila nga estado.
Suno sa iya, madugay na nga legal sa nasambit nga pungsod ang abortion apang kulukasubong nga may yara sang insakto nga proseso nga sundon ang sin-u-man nga magpaidalom diri.
Dugang pa sini nga ang conservative-dominated court ang nagbaliskad sang landmark 1973 “Roe v Wade” decision nga nagaproteher sang kinamatarong sang babaye nga magpahulog nga nagasiling nga ang individual state ang makapahanugot na ukon maka-restrict sang procedure.
Sa majority opinion, ginpahayag ni Justice Samuel Alito nga ang abortion ang nagapakita sang profound moral issue kun sa diin, ang mga Amerikano ang may yara sang lain-lain nga panan-awan.
Wala naman suno pa nagpabor ang tatlo ka mga liberal sa korte.
Ang amo nga opinion ang nag-utod sang 1973 Roe v. Wade ruling sang pinakataas nga korte sang pungsod nga nagapahayag nga ang mga kababaihan ang may kinamatarong nga magpa-abort base sa constitutional right to privacy sa ila kaugalingon nga mga lawas.
